Qırımda Ukrayına tarafdarlığı «ket-kete daa açıq ola», insanlar «Rusiye mından ketecegini» añlay. Bu aqta Ukrayına prezidenti Volodımır Zelenskıy «Qırım platformasısınıñ» ekinci parlament sammitinde bildirdi.
«Rusiye bu topraqnı kontrol etse de, Qırımda Ukrayına tarafdarlığı daa açıq olğanını qayd etemiz. İşğal etilgen diger Ukrayına rayonlarında kibi, Qırımda da insanlar Rusiye andan ketecegini añlay – ebet, Ukrayınanı bekleyler. Rusiyeniñ zayıflığı daa çoq körüne – işğal etilgen insanlarnıñ qorqusı», – dedi Zelenskıy.
Ukrayına prezidenti bildirgenine köre, Ukrayına Silâlı quvetleri Qırımda bütün ateş kontroline daa irişemedi, lâkin bu bir «vaqıt meselesi», dep ayttı.
Pragada oktâbrniñ 24-nde «Qırım platformasınıñ» ekinci parlament sammiti başladı. Ukrayına Yuqarı Radasınıñ spikeri Ruslan Stefançuknıñ aytqanına köre, tedbirde bütün dünyadan tahminen 70 parlament eyyeti iştirak etecek. Stefançuknıñ fikirince, Ukrayına suvereniteti ve topraq bütünligi içün «küçlü» bir yardım.
Ukrayınanıñ teşebbüsinen olğan «Qırım platforması» halqara koordinatsion mehanizm 2021 senesi avgust ayında Kyivdeki tesis sammitinde başlatıldı. Platformanıñ maqsadı – halqara kün tertibinde Qırımğa diqqatnı saqlap qalmaq, Qırımda insan aqlarını qorumaq, yarımadanıñ işğalden azat etilüvine yardım etmek ve ilâhre.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
