Olarnı «Rusiye ordusını itibardan tüşürüv» maddesine istinaden mesüliyetke çekkenler, berilgen para cezaları 30-50 biñ ruble oldı. Dört kişi 10-15 künge apiske alındı.
Jurnalistlerniñ qayd etkenine köre, polis ve uquq qoruyıcılarnıñ fikirince, Rusiye ordusını itibardan tüşüngen yırlar arasında eski ve zemaneviy yırlar bar. Meselâ, «Çervona kalına» yırı sebebinden Qırımda eñ az doquz insanğa para cezası berildi.
Qayd etilgenine köre, Qırımda Ukrayınağa açıq qoltutuv memuriy ya da cinaiy taqip içün sebep ola bile. 2022-2023 seneleri eñ az 16 qırımlığa 30-40 biñ ruble para cezası berildi ve/ya da içtimaiy ağlarda Ukrayına bayrağını paylaşqanları içün afu soramağa mecbur oldı. Daa 20 insanğa 30-50 biñ ruble para cezası berildi, dört kişi «Slava Ukrayıni» dep qıçırğanı içün afu soradı.
«KrımSOS» aq qorçalayıcı teşkilâtı Qırımda bir buçuq yılda Rusiye mahkemeleri «Rusiye ordusını itibardan tüşürgeni» sebebinden memuriy davalar boyunca 409 qarar çıqardı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
