Qırımda noyabrniñ 22-ne qadar yüksek («sarı») terror telükesi uzatıldı. Bu aqta Qırımnıñ Rusiye yolbaşçısı Sergey Aksenov Telegram kanalında bildirdi.
Onıñ aytqanına köre, sıñırlavlar Qırımnıñ Rusiye nazirlikleri ve müessiseleri obyektlerinde olacaq, Ermeni Bazar, Canköy, Keriç, Krasnoperekopsk, Canköy, Krasnoperekopsk ve Yedi Quyu raoynlarında.
Yüksek terror telükesi Qırımda aprelniñ 11-nde ilân etildi. Aqyarda – avgustnıñ 1-nde. Onı bir qaç kere uzatqan ediler.
Oktâbrniñ 19-nda Rusiye prezidenti Vladimir Putin Rusiye arbiyleri işğal etken Donetsk, Lugansk, Zaporijjâ ve Herson vilâyetlerinde cenk vaziyeti kirsetilgenine dair fermannı imzaladı.
Putinniñ buyruğına köre, işğal altındaki Qırım ve Aqyarda «orta seviyeli cevap» kirsetildi. Bir sıra sıñırlav olması beklenile. Qırımnıñ Rusiye yolbaşçısı Sergey Aksenov Qırımda komendant saatı ve Qırımğa kiriş sıñırlavları şimdilik kirsetilmeycek, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
