Link açıqlığı

Saatnıñ esas haberi

Rusiye Fevqulâde vaziyetler nazirligi Qırımda suv basuv telükesi bar, dep bildirdi


Qırımda furtunalı ava, nümüneviy fotoresim
Qırımda furtunalı ava, nümüneviy fotoresim

Rusiye Fevqulâde vaziyetler nazirligi Qırımda çarşenbe künü tahmin etilgen küçlü yağanaqlar suv basuvlarınıñ sebebi ola bile, dep haber etti. Bu aqta RİA Novosti yaza.

«Bu vaziyette energetika obyektleri, mesken-kommunal hızmetler, yol qazaları, naqliyat seferleriniñ bozuluvı, yol, enüv ve yoquş, telükeli burulışlar ve dağ aşırımlarında naqliyat areketiniñ zorlanuvınen bağlı fevqulâde vaziyetler ola bile. Bazı yerlerni suv basması mümkün», – dep aytıla haberde.

Qayd etilgenine köre, Qara, Azaq deñizleri ve Keriç boğazında qaza telükeleri bar. «İnsanlarnıñ yalıda, pirs ve yalı pekitüv inşaatları yanında bulunmaq ayatları içün telükelidir», – dep qoştı müessise.

Daa evel berilgen malümatqa köre, Qırımda aprelniñ 4-nde ve 5-nde küçlü yel ve yağmur sebebinden furtuna havfı ilân etildi.

XS
SM
MD
LG