Rusiye işğal etken Qırımda Qarasuvbazar suv anbarınıñ yalısında çöplük obasınıñ büyükligi arta, dep haber ete Qırım.Aqiqat mühbiri.
Çöplük obası Qarasuvbazardan Qarasuvbazar suv anbarına qadar ketken yol boyunca yüzlernen metrge uzadı.
«Bu çöplük obası çoqtan bar, amma soñki vaqıtları büyükligi tez arta. Çöplükni mında insanlar ketire. Bu yolda fındıq teregine da çöplük atqanlar, antisanitariya, tereklerniñ altına çöplük atalar. Mesüliyetli insanlarnıñ işi yoq, Qarasuvbazarda ekologik inspektornıñ işi aqqında eşitilmey, em bu yerniñ güzelligi, em ekologiyası zarar köre», – dep tarif etti Qırım.Aqiqatqa yerli ülkeşınas, muarririyet soyadını telükesizlik maqsadınen aydınlatmay.
Qırımnıñ Rusiye ekologiya ve tabiat resursları nazirligi qırımlılarğa qanunsız çöplük obaları aqqında haber etkenleri içün para teklif ete, amma kurort Qırımında mesele keskin qala.
Qırımnıñ Rusiye akimiyeti qanunsız çöplüklerni yoq etmek içün yüz millionlarnen ruble bere, amma bu meseleniñ sebeplerini degil, aqibetlerini çeze, esnas az semereli ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
