2024 senesi dekabrniñ soñuna qadar Qırımda Rusiye ordusınıñ «itibardan tüşürülüvi» maddesi boyunca 1126 memuriy dava açıldı. Bu aqta Ukrayina prezidentiniñ Qırım Muhtar Cumhuriyetindeki Daimiy temsilciliginiñ haberinde bildirile.
Müessise malümatına köre, 993 davada cöreme şeklinde memuriy ceza bermek ya da başqa madde boyunca başqa davağa qoşmaq qararı qabul etildi ve umumiy qarar çıqarıldı. 36 dava daa baqıla. Qadınlarğa qarşı 442 (45%), erkeklerge qarşı ise 550 (55%) qarar çıqarıldı. Episi olıp qullanılğan cöremelerniñ umumiy miqdarı endi 26,4 million Rusiye rublesinden az degildir.
2024 senesi noyabrniñ soñunda Qırım sakinlerine qarşı Rusiye Ordusınıñ «diskreditatsiyası» içün 1093 iş aqqında haber etildi. Bulardan 955 işinde cerime şeklinde memuriy ceza qoymaq aqqında qarar qabul etildi.
Rusiye Federatsiyası büyük istilâğa başlağan soñ Rusiye ordusınıñ «diskreditatsiyası» aqqında Memuriy cinayetler kodeksiniñ 20.3.3 maddesi kirsetildi. Rusiye-Ukrayına cenki aqqında malümat tarqatqanlar ve Kremlniñ noqta-i nazarına zıt kelgen er angi fikir bildirgenler taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
