«Cenüp» operativ komandanlığınıñ birleşken matbuat merkeziniñ yolbaşçısı Natalâ Ğumenük Qırımda Rusiye ava mudafaa sistemasınıñ yoq etilüvi aqqında haberni izaatladı.
«Bu umumiy, büyük, küçlü bir iş dep ayta bilem. Ümüt etemiz ki, neticeleri de lâyıq olur», – dedi Ğumenük.
Onıñ aytqanına köre, bazı obyektlerge qarşı ücüm Qırım azat etilecek zıncırnıñ tek bir parçası ola.
«Tek bizge qarşı qullana bilecek şeylerini degil, Qırımnı çevirgen arbiy habta yedeklegen ve uruş areketlerinde qullanmaq içün esas Ukrayınağa ketirmege istegen resurslarını da qoruycaq er şeyni yoq etmek kerekmiz», – dedi Ğumenük.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
