Qırımda Rusiye arbiyleri iş adamlarına basqı yapıp, para talap ete. Bu aqta Qırımtatar resurs merkeziniñ yolbaşçısı Eskender Bariyev «Ğromadske radio» yayınında bildirdi.
«Soñki vaqıtları bazar, müessiselerge bara ve basqı yapalar. Olardan bir şey ya da aş, ya da para almağa tırışalar. İnsanlarğa basqı yapa, «mahsus arbiy operatsiya» vekillerine hızmet köstermege istemegen insanlarnı taqip etmege tırışalar», – dedi Bariyev.
Bundan ğayrı, «Piter seferberlikke qarşı» Telegram kanalı abunecilerden biriniñ ikâyesini paylaştı. O, Büyük Onlar qasabasından araba tamir noqtalarından birinde çalışa. Onıñ aytqanına köre, Rusiye arbiyleri arbiy tehnikanı ketirip, bedava tamir etmege talap eteler.
Cenk vaziyetinde bu malümatnı mustaqil menbalarda tasdıqlamaq imkânsız ola.
Hatırlatamız, Rusiye uquq qoruyıcılarınen bağı olğan Rusiye tarafdarı bloger Aleksandr Talipov Aqmescitteki «Çeburek» qavehanesinde Rusiye arbiyini qabul etmege istemegenlerini bildirdi. Neticede Rusiye polisi teşkerüv başlattı.
Keçken sene içtimaiy ağlarda videolar peyda oldı. Anda Qurman rayonınıñ Canğara (Vidnoye) qasabasında araba tamir hızmetiniñ hadimleri Z arifli arbiy yük maşinasını tamir etmege razı olmadılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
