Yerli sakinlerniñ aytqanına köre, «diversiyalarğa qarşı tedbirler» çerçivesinde tutulğanlarnı narkotik cinayetlerinde qabaatlağan davalar arttı.
Aynı vaqıtta tutulğanlarğa advokat aqqı berilmey ve tutulğan insannıñ qayda olğanı soy-soplarına haber etilmey. Sıñırlav tedbiriniñ baqıluvı qapalı şekilde ola, dep qoşa MTM.
Qırımtatar resurs merkeziniñ bildirgenine köre, yıl başından Qırımda 59 qanunsız tintüv qayd etildi, 35-i ise qırımtatarlarğa qarşı oldı. Bundan ğayrı, 2024 senesi 9 ay içinde 91 tutuv qayd etildi, 26-sı qırımtatarları edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
