Rusiye Mudafaa nazirligi bildirgenine köre, avgustnıñ 19-nda gece Rusiye ava mudafaası Qırımda raketanı urıp tüşürdi.
Müessise bildirgenine köre, Ukrayına arbiyleri yarımadağa qarşı darbe variantına çevirilgen C-200 kompleksiniñ zenit raketasını uçurdı. Adiseniñ yeri aydınlatılmay.
Ukrayına arbiyleri bu vaziyetni izaatlamadı. Haberni mustaqil menbalarnı teşkermek imkânsız ola.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi.
Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
