İşğal etilgen Qırımda martnıñ 5-nde qırımtatarlarnıñ evlerinde kütleviy tintüvler keçirildi, dep haber ete «Qırım birdemligi» cemaat birleşmesi.
Bağçasarayda tahqiqat tedbirleri «Qırım birdemligi» faalleriniñ evlerinde, Canköy rayonında ise din adamlarınıñ evlerinde keçirildi. Tintüvler 10 qırımtatarınıñ evinde yapıldı:
- Rustem Osmanov;
- Aziz Azizov;
- Memet Lümanov;
- Mustafa Abduramanov;
- Sabıq imam Remzi Kurtnezirov;
- İmam Vait Mustafayev;
- Ali Mamutov;
- Arsen Kaşka;
- Enver Halilayev;
- Nariman Ametov.
Qayd etilgenine köre, Mustafayevniñ evinde tintüv bitti. Evde üç bala bar edi: ekizler (4 yaşında) ve 6 aylıq bala. FSB imamnıñ pasportı, arbiy bileti ve cep telefonını aldı.
Tintüvler Canköy rayonınıñ Cadra (Lobanovo) köyünde keçirildi. FSB hadimleri sabıq imam Remzi Kurtnezirov ve Enver Halilayevni tuttı. Kurtnezirov 2-nci derece saqatı, oña acele yardım çağırıldı, dep qayd ete faaller.
Bundan ğayrı, tahqiqat tedbirleri Arsen Kaşkanıñ evinde de yekünlendi. Evde beş çağına yetmegen bala ve ağır ayaqlı ömür arqadaşı bar edi.
Tintüvlerden soñ FSB Rustem Osmanov, Nariman Ametov ve Mustafa Abduramanovnı alıp ketti, dep haber ete «Qırım birdemligi».
«Bir 10 adam bar edi. Eki qız da keldi – şaatlar. Balalar uyanıp qorqqan edi, ne olğanını añlamadılar. Soñra odamızğa silâlı ve maskalı biri kirdi – kiçigimiz pek qorqtı. Bir odada oturıp çıqmayıq dedi. Aqayımnen tintüv keçirgenler. Aşhaneden başlap, oda-oda yürgenler. Kitaplarnı baqıp, yasaqlanğan edebiyat qıdırğanlar. Şaat qızlar toqtamayıp şaqalaştı, küldi», – dep tarif etti Mustafanıñ ömür arqadaşı Aliye Abduramanova.
Hatırlatamız, fevralniñ 29-nda da Qırımda tintüv ve tutuvlar oldı. KrımSOS talilcisi Yevğen Yaroşenko qayd etkenine köre, musulmanlarda keçirilgen ekinci tintüv dalğası ola.
Tintüvler Canköy rayonınıñ Cadra (Lobanovo) köyünde keçirildi. FSB hadimleri sabıq imam Remzi Kurtnezirov ve Enver Halilayevni tuttı. Kurtnezirov 2-nci derece saqatı, oña acele yardım çağırıldı, dep qayd ete faaller.
Bundan ğayrı, tahqiqat tedbirleri Arsen Kaşkanıñ evinde de yekünlendi. Evde beş çağına yetmegen bala ve ağır ayaqlı ömür arqadaşı bar edi.
Tintüvlerden soñ FSB Rustem Osmanov, Nariman Ametov ve Mustafa Abduramanovnı alıp ketti, dep haber ete «Qırım birdemligi».
«Bir 10 adam bar edi. Eki qız da keldi – şaatlar. Balalar uyanıp qorqqan edi, ne olğanını añlamadılar. Soñra odamızğa silâlı ve maskalı biri kirdi – kiçigimiz pek qorqtı. Bir odada oturıp çıqmayıq dedi. Aqayımnen tintüv keçirgenler. Aşhaneden başlap, oda-oda yürgenler. Kitaplarnı baqıp, yasaqlanğan edebiyat qıdırğanlar. Şaat qızlar toqtamayıp şaqalaştı, küldi», – dep tarif etti Mustafanıñ ömür arqadaşı Aliye Abduramanova.
Hatırlatamız, fevralniñ 29-nda da Qırımda tintüv ve tutuvlar oldı. KrımSOS talilcisi Yevğen Yaroşenko qayd etkenine köre, musulmanlarda keçirilgen ekinci tintüv dalğası ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
