Qırımda sinoptikler vade etken qar yağdı, dep bildire Rusiye Fevqulâde vaziyetler nazirliginiñ idaresi.
Dekabrniñ 21-nde saba Anğara boğazı, Ay-Petri dağı, Bağçasaray rayonı, Aqmescit ve Aluştada yağanaqlar qayd etildi. Eñ çoq qar Aqmeçit rayonında yağdı.
Qırımnıñ Gidromettsentr yolbaşçısı Tatyana Lübetskayanıñ malümatına köre, keçken künü Qırımda 10 santimetr qar yağdı.
«Vesti Krım», İnkerman tarafından Aqyar kirişinde çoq kilometrli tıqanıqlıq peyda oldı, dep bildire.
İçtimaiy ağlarnıñ qullanıcıları Ay-Petride yağğan qarnıñ foto ve videolarını derc ete.
Sinoptikler Qırımğa «kerçek qış kelecek», dep tenbilegen edi.
Eñ yaqın üç kün devamında yarımadada suvuq arktik ava olacaq. Qar, sılaq qar yağacaq, dekabrniñ 21-nde bazı yerlerde pek küçlü qar olacaq; yollarda klegey buz. Şimaliy-ğarbiy yel süratı saniyede 10-15 metr, dekabrniñ 21-nde cenübiy ve şarqiy rayonlarda saniyede 20-25 metr ruzgâr olacaq. Salı künü gece ava -3…-8°, yalıda -2…+3°; kündüz -2…+3°, dağlarda -3…-8°. Çarşenbe ve cumaaqşamı künleri ava suvuycaq: kündüz suvuq 3-8°, gece suvuq 10…15°.
