«Tahqiqat malümatına köre, 2022 senesi fevral ayından 2023 senesi iyun ayına qadar qabaatlanğanlar Ukrayına Mudafaa nazirligi baş istihbarat idaresiniñ vekillerinen işbirligi yaptı. Olarnıñ emrinen regionnıñ naqliyat infrastruktura obyektinde patlav yaptı, regionnıñ yüksek seviyeli vekâletlilerine qarşı terakt yapmağa planlaştırğan edi», – dep bildire Rusiye prokuraturası.
Anda berilgen malümatqa köre, bunıñ içün Qırımğa patlayıcı madde ve patlayıcı cihazlar ketirildi. Rusiye uquq qoruyıcıları bu davalarnı bermege niyetlene.
Angi «patlav» aqqında aytıla Rusiye qurğan Qırım prokuraturası bildirmey.
Qırım ve Aqyarda 2014 senesinden başlap eñ az 16 Ukrayına vatandaşı «casuslıq» ve «diversiyalarda» qabaatlanıp mahküm etildi. 2015 senesi terakt azırlanuvını teşkil etüv qabaatı boyunca Ruiye mahkemesi Oleg Sentsovnı 20 yılğa üküm etti. Rusiye uquq qoruyıcıları «Hizb ut-Tahrir» teşkilâtınıñ vekillerini böyle «diversiyalarda» qabaatlağan ediler. Rusiyeniñ Ukrayınağa qarşı büyük istilâsından soñ yarımadada cenkke qarşı çıqqanlar taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
