Olarnıñ malümatına köre, bu vaqıt devamında eñ az 39327 insan tutuldı. Çoqusı alda insanlar siyasiy narazılıqlar sebebinden tutuldı. 2022 senesi eñ çoq kişi tutuldı – 20441. Keçken sene, leyhanıñ malümatına köre, insanlar daa çoq cenkke qarşı aktsiyalar ve siyasiy mabüslerge qoltutuv aktsiyaları sebebinden tutulğan edi.
«OVD-Info» malümatına köre, dört yıl içinde işğal etilgen Qırımda narazılıq aktsiyalarında 115 insan tutuldı. 2023 senesi eñ çoq qayd etildi – 77 adise.
Dört yıl içinde tutuv sayısına köre, aq qorçalayıcılarnıñ esaplarına köre, Moskva ve Sankt-Peterburg liderler ola. 10 top regionı arasında Novosibirsk, Sverdlovsk, Nijegorodskiy ve Voronej vilâyeti, Krasnodar ve Krasnoyarsk ülkesi, Tataristan ve Başqortostan kire.
Qırımtatar Resurs Merkezi malümatına köre, işğal vaqtında siyasiy mabüs ve siyasiy sebeplerden taqip etilgenlerniñ sayısı 307 oldı.
Ukrayına prezidentiniñ Qırım Muhtar Cumhuriyetindeki temsilciligi fevralniñ 5-ne qadar rusiyeliler Qırımda 208 insannı qanunsız şekilde mahküm etkenini bildirgen edi, olarnıñ arasında 125 qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
