«Keçken bazar künü oğlum messencerde Rusiyeden telefon etti, eşittim, amma başqa bir şey yoq. O vaqıt Yaltağa trolleybusnen kete edim. Dairede bağ bar, çünki internet bar ve Wi-Fi. VPN de çalışa. Amma evden uzaqlaştıñmı – sessizlik», – dep şikâyet etti Aqmescit sakini İrina.
Qadınnıñ aytqanına köre, bazar künü başladı ve eki kündir devam ete. O, Aqmescitniñ diger sakinleri de aynısını ayta, dep bildire.
Qırım.Aqiqat mühbirleri Qırım sakinleri YouTubeni zornen aça, dep tarif etken edi. Bundan evel «Rostelekom» YouTube filtrleme içün yapılğan saytnınh testlerini yaptı, dep haber etilgen edi. Rusiye internetni imaye etüv cemiyetiniñ yolbaşçısı Mihail Klimarev Rusiye akimiyeti servisni blok eter, amma baqıla bilgen videolarnı açar, dep tahmin ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
