Bu aqta Qırım.Aqiqat Radiosınıñ yayınında ZMINA insan aqları merkeziniñ leyha müdiri Viktoriya Nesterenko bildirdi.
«Bu tedqiqatta cinayetçi, satqınlar ve bu davalarnı uydurmaq ve vatandaşlarnı taqip etmek içün Rusiyeden Qırımğa ketirilgen tahminen 300 insan aqqında malümat topladıq. Soñki bir qaç yılda rusiyeliler cinayetçilerniñ şahsiy malümatını gizlemege tırışa ve bu insanlarnı şahsiy sanktsiyalar cedveline kirsetmek içün malümat toplamaq bayağı zor. Şunıñ içün 35 insannı ayırdıq», – dep ayttı Nesterenko.
Bu cedvelde qırımlı Mamut Belâlovnı mahküm etken ve diger qırımtatar faalleri Remzi Bekirov, Dilâver Gafarov ve başqalarınıñ davalarına alâqası olğan qadı Mihail Belousov bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
