Rusiye uquq qoruyıcıları İslâm Terek rayonınıñ Kriniçki köyünde qırımtatar faali Rustem Mustafayevniñ evini tintti. «Qırım birdemligi» bildirgenine köre, erkek tutulmadı.
«Oña mahkemeniñ tintüv keçirmek qararı kösterildi – yasaqlanğan edebiyat, silâ, patlayıcı madde ve ilâhre baqmaq içün. Rustem Mustafayev bu protokolnı imzalamadı», – dedi cemaat imayecisi Mustafa Seydaliyev.
Polisler başta Mustafayevniñ evini baqtı, soñra – cep telefonı ve bilgisayarını. Tintüvden soñ faalniñ «Sadı pravednıh» kitabı (imam an-Navaviniñ hadis-i şerif cıyıntığı) alındı.
Aq qorçalayıcılar qayd etkenine köre, Mustafayev siyasiy sebepli mahkemelerni ziyaret ete, apiske alınğan qırımtatarlarğa qoltutmaq içün muracaatlarda iştirak ete.
Bugün Rusiye uquq qoruyıcıları İslâm Terek rayonınıñ Cuma Eli (Privetnoye) köyünde imam İsmail Yurdamovnıñ evini tintti. Bundan soñ erkek tutuldı ve polis bölügine alıp ketirildi.
Ukrayına prezidentiniñ Qırım Muhtar Cumhuriyetindeki temsilciligi bildirgenine köre, dekabr ayına qadar Qırımda qanunsız tutulğan 191 kişi aqqında malümat bar. 123-ü qırımtatarıdır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
