Qırımda tutulğan 40-tan ziyade mabus acele tibbiy yardımğa muhtac, amma yardım kösterilmey, dep bildirdi Qırım Muhtar Cumhuriyeti sakinleriniñ aq-uquqları vekâletlisi vekili Elvin Kadırov. Bu aqta«Suspilne» haber ete.
«Bu insanlar apis cezalarını degil, ayatlarını sayalar. Siyasiy mabüslerge tibbiy yardım kösterilmey, insanlar itibar ve insaniy munasebet aqqından marum etile», – dep qayd etti o, «Qırım ve Barışıq formulası: gumanitar aspekt» munaqaşası vaqtında.
Kadırov Rusiye apsinde 40 kilogramm azğan Tofik Abdulgaziyev, Amet Suleymanov ve İrina Daniloviçniñ sağlıq vaziyetine ayrı diqqat etti.
Qırımtatar resurs merkezi 2024 senesi avgustnıñ 27-ne qadar Qırımnıñ ilhaqından berli 356 siyasiy sebeplerden qırımlılarnıñ taqip etilüvi qayd etildi, olardan 222 — qırımtatarlarğa qarşı, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
