Qırımnıñ Telegram kanalları Aqyar, Kefe, Saq, Canköy ve Keriçte elektrikler kütleviy şekilde kesile, dep haber ete.
Berilgen malümatqa köre, elektrik söndirüvleri «Qırım energosistemasınıñ hatlarında qazaiy kesilüvlernen» bağlı.
Aqyarnıñ Rusiye yolbaşçısı Mihail Razvojayev saat 18:05-te Balıqlava issilik elektrostantsiyasında gaz donatmalarınıñ yañlış çalışması oldı, eki energoblok qapatıldı.
Memur bir saat içinde elektrikler berilecek, dep bildire.
Qırımnıñ Rusiye yolbaşçısı Sergey Aksenov elektrik kesilüvi Balıqlava issilik elektrostantsiyasıda donatmalarınıñ qapatıluvınen bağlı, dep bildire.
Yanvarniñ başında ealisi tahminen 100 biñ insan olğan Rusiyeniñ Kursk vilâyetindeki Jeleznogorsk şeeri elektriksiz ve issisiz qaldı. Rusiye akimiyeti Ukrayına Silâlı quvetleriniñ ücümi neticesinde elektrik altstantsiyası zarar kördi, dep bildirdi. Ukrayına tarafı bunı izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
