Qırımda Rusiye akimiyeti 2025 senesi hristian ve musulman diniy bayramları içün dört qoşma raatlıq kününi ilân etti. Buña uyğun buyruqnı yarımadanıñ Rusiye yolbaşçısı Sergey Aksenov imzaladı.
«2025 senesi Qırımda qoşma raatlıq bayram künleri belgilene: martnıñ 31-i – Oraza bayramı, aprelniñ 21-i – Pasha bayramı», – dep bildirdi Aksenov Telegram kanalında.
Rusiyeniñ Qırım yolbaşçısınıñ qararınen iyünniñ 6-sı Qurban bayramı, iyünniñ 9-ı Aziz Üçlü bayramları munasebetinen raatlıq künleri olacaq.
Añılğan bayramlar munasebetinen Qırımda er yıl qoşma raatlıq künleri ilân etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
