Link açıqlığı

Saatnıñ esas haberi

Qırımda COVID-19 ağır hasta sayısı arta – akimiyet


Nümüneviy resim
Nümüneviy resim

Qırımnıñ Rusiye sağlıq naziri Aleksandr Ostapenko ağır koronavirus hastalarınıñ sayısı arta, dep qayd ete. Bu aqta o, iyünniñ 2-nde Qırımda koronavirus yuqunçı ile küreş er künlik brifinginde ayttı.

«Koronavirus yuqunçı ve hastahaneden tış pnevmoniya diagnozınen 1576 hasta hastahanede buluna, 247 kişi ambulator tedaviylevde buluna. Tedaviylenmege devam etken 124 hastanıñ alı ağır ve pek ağır, 5 hastanıñ aqcigerleri suniy avalandırıla, 27 kişi invaziv olmağan tedaviylevde ve 439 hasta oksigen tedaviylevini ala. Ağır hasta sayısı arta, hususan, ekimlerge keç muracaat etkenler», – dep bildirdi Ostapenko.

Qırımda iyünniñ 1-nde 99 yañı koronavirus hastası qayd etildi, 9-ınıñ hastalıq alâmetleri yoq.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG