Müessise malümatına köre, 511-i Ukrayına vatandaşı edi. Qayd etilgenine köre, mezarlarnıñ sayısı daa ziyade ola bile, çünki büyük qısmı ışıqsız ola.
Qırımda ve Aqyarda Rusiyeniñ Ukrayınağa qarşı büyük istilâsı vaqtında elâk olğan Rusiye arbiylerini defin etmege devam eteler. Aqyarnıñ Rusiye yolbaşçısı Mihail Razvojayevniñ Telegram kanalı malümatına köre, 2022 senesi fevralniñ 24-nden başlap Aqyarda eñ az 100 Rusiye arbiyi kömüldi. Qırımda elâk olğan Rusiye arbiyleriniñ tam sayısını aydınlatmay. Bazı Rusiye arbiylerina hatıra tahtaları açıldı.
Qırım.Aqiqat jurnalistlerine Rusiyeniñ Ukrayınağa qarşı büyük istilâsı başlağanından Qırım ve Aqyardan 610-dan çoq elâk olğannıñ şahsiyetini belgiledi. Rusiye tarafı ğayıplar aqqında malümatnı resmiy şekilde derc etmey.
Ukrayına prezidentiniñ Qırım Muhtar Cumhuriyetindeki temsilciligi bildirgenine köre, al-azırda Qırımda eñ az 647 defin etilgen asker bar, 490-ı Ukrayına vatandaşı edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
