Celpnameler namazdan soñ berile, imzalamağa aytalar. Bir qaç insan celpname almağa mecbur oldı. Soñki sefer böyle adise avgustnıñ 25-nde qayd etildi.
2022 senesi sentâbrniñ 21-nde rusiyeliler Qırım yarımadasında «qısmiy seferberlik» ilân etti. Yekünlengenine dair resmiy beyanat yapılsa da, Qırım sakinlerine gizli-gizli celpname bermege devam etti.
Jeneva şartnamesi yasaqlasa ve bu arbiy cinayet olsa da, Qırım işğali devamında yarımadada 16 kere askerlikke aluv kampaniyası keçirile. Ukrayına vatandaşlarınıñ devletine qarşı uruşlarda iştirak etmege zorlamaq ayrı arbiy cinayet ola.
Ukrayına milliy tirenüv merkezi bildirgenine köre, Qırımnıñ Rusiye akimiyeti gizli içtimaiy tedqiqat keçirip, yerli sakinlerniñ seferberlikke menfiy baqqanını kösterdi.
Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanovnıñ Azatlıq Radiosınıñ leyhası Qırım.Aqiqatqa bergen intervyüsında qayd etkenine köre, Rusiyede seferberlik bitmedi, anda daa 450 biñ insannı seferber etüv baqıla.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
