Qırımda sentâbrniñ başında ava araretiniñ tüşmesi ve yağanaqlar yağması beklenile, dep bildire Qırım gidromettsentri.
«Sentâbrniñ 1-nde suvuq cebe ava idilliyasını bozacaq: yağmurlar yağacaq, kündüz ava arareti 20-25 derece, gece 15-20 derece olacaq», – dep bildire sinoptikler.
Tahminlerge köre, avgustnıñ soñuna qadar yarımadada quru ve sıcaq ava olacaq. Ava arareti 35 derecege qadar köterilecek. Eñ suvuq ava 18 derece olacaq.
Deñiz suvunıñ arareti sentâbrniñ 1-ne qadar 24-26 derece olacaq.
Daa evel berilgen malümatqa köre, Qırımda cuma künü, avgustnıñ 27-nde, +32 derece qadar sıcaq beklenile, yağanaq yağması beklenilmey.
