Link açıqlığı

Saatnıñ esas haberi

Qırımda yarımada izolâtsiyası ihtimalinde aş ve suv yedekleri yapıla – Milliy tirenüv merkezi


Qırım akimiyeti Ukrayına Silâlı quvetleriniñ qarşı ücümi ola bilecek dep, aş ve suv yedeklerini azırlay, dep haber ete Ukrayına Milliy tirenüv merkezi.

«Qırımda Qırım ve cenübiy Herson vilâyetiniñ blok etilüv ihtimali bar olğanından işğalci akimiyet suv ve aş yedeklerini yapa», – dep haber ete faaller.

Merkez, işğal etilgen Ukrayına cenübinde işğalciler Ukrayına Silâlı quvetleriniñ qarşı ücümi olsa, Rusiye memuriyetiniñ tahliyesini azırlay, dep qoşa.

Milliy tirenüv merkezi bildirgenine köre, Zaporijjâ vilâyetinde işğalci memuriyet hadimleri ve qoranta azalarınıñ Qırımğa tahliye etüv planı azırlandı. «Herson vilâyetindeki vaziyet aynı. Arabat belindeki işbirlikçilerniñ çoqusı regionnı endi terk etti», – dep bildirdi Milliy tirenüv merkezi.

Qırım.Aqiqat, Rusiye ordusı yañı inşaatlarnı qurmağa ve Qırım şimalinde okoplarnı qazmağa devam ete, işğal altındaki yarımadada arbiy ve strategik obyektlerni imaye ete, dep bildirgen edi.

ABD Ukrayına Devlet departamentiniñ sabıq mahsus vekili Kurt Volkerniñ fikirince, Ukrayına Rusiye Federatsiyasınen yarımadanıñ logistik bağlarını qoparıp, şimdi Qırımnı Rusiyeden izolâtsiya etmeli. Bu, Qırımnıñ arbiy quvetsiz qaytarıluvına doğru ilk müim adım olacaq.

Ukrayına Mudafaa nazirliginiñ Baş istihbarat idaresiniñ temsilcisi Andriy Çernâk Ukrayına Rusiye işğal etilgen Qırımnı arbiy maqsadlarnen qullanmasın dep elinden kelgenini yapa, dep bildirdi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG