2025 senesiniñ ilk üç ayı içinde işğal etilgen Qırımda adaletli mahkeme aqqınıñ 70 kere bozulğanı qayd etildi, 39-sı tamır qırımtatar halqınıñ vekillerinen bağlı. Bu aqta Qırımtatar resurs merkezi haber ete.
2024 senesiniñ aynı müddetinde 82 adise qayd etildi, 2023 senesi – 94. Raqamlar biraz eksilse de, aq qorçalayıcılar repressiyalar muntazam sürette devam ete, dep qayd ete.
Esabatta bu müddet devamında yañı apiske aluvlar, üküm ve apis cezalarınıñ uzatıluvı, advokatlarnıñ istinaf şikâyetleriniñ red etilmesi ve para cezaları devam etti, dep aytıla.
Daa evel Qırımtatar resurs merkezi bildirgenine köre, Qırım ilhaqı vaqtında aq qorçalayıcılar 399 siyasiy mabüsni ve cinaiy davalar boyunca taqip etilgenlerni qayd etti, olardan 241-i qırımtatarı ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
