İşğal etilgen Qırımda 2014 senesinden başlap 24 insan ğayıp olaraq sayıla, 18-i qırımtatarı ola. Bu aqta Qırımtatar resurs merkezi bildire.
«Qırım işğali vaqtında ğayıp, bir haber alınamağan olaraq 24 insan sayıla, 18-i – tamır qırımtatar halqından», – dep aytıla haberde.
Aq qorçalayıcılarnıñ malümatına köre, ğayıp olğanlar: Abduramanov Rizvan, Aliyev Arsen, Aliyev Server, Alâutdinov Marsel, Apselâmov Eskender, Aripov Şevket, Arislanov Muhtar, Bondarets İvan, Vaşçuk Valeriy, Ganiyev Ruslan, Cepparov İslâm, Zinedin Seyran, İbragimov Ervin, İslâmov Cevdet, Kapliyenko Maksim, Klapova Yekaterina, Kostenko Fedor, Soliyev Farhad, Suyunov Arsen, Terehov Arlen, Çernış Vasiliy, Şaymardanov Timur, Şevketov Marlen ve Şemşedinov İsmail.
Qayd etilgenine köre, Rusiye akimiyeti bu insanlarnı tek qıdıra kibi yapa, BM Baş Assambleyasınıñ Qararına köre, Rusiye işğalci devlet olaraq zapt etken topraqlarında insan aqlarına riayet etilmesinden mesüliyetli olmalı.
Qırımtatar resurs merkezi bildirgeni kibi, 2017 senesinden başlap Rusiye tarafından ilhaq etilgen Qırımda 10 018 esas insan aqlarınıñ bozuluvı qayd etildi, 6 730-ı – qırımtatarına qarşı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
