Mayısnıñ 5-ne qadar işğal etilgen Qırımda 223 insan qanunsız şekilde azatlıqtan marum etildi, 133-ü qırımtatarı ola. Bu aqta Ukrayina prezidentiniñ Qırım Muhtar Cumhuriyetindeki temsilciligi haber ete.
Bundan ğayrı, yarımadada Rusiye Federatsiyası memuriy uquq bozuvları kodeksiniñ 20.3.3 (Rusiye Federatsiyası Silâlı quvetlerini «itibardan tüşürüv») maddesine istinaden tizilgen 1325 adise bar. 1190 davasında para cezası berildi ya da dava başqa qararlarnen birleştirildi.
34 adiseniñ tahqiqatı devam ete. Qararlarnıñ 49%-ı (582) qadınlarğa, 51%-ı (607) erkeklerge qarşı.
Qırımtatar Resurs Merkeziniñ bildirgenine köre, Qırım ilhaqı vaqtında aq qoruyıcılar 399 mabüsni qayd etti, olardan 241-i qırımtatardır.
2014 senesi Qırım ilhaqından soñ Rusiye yarımadanıñ Ukrayina tarafdarı olğan ealisine, hususan qırımtatar halqınıñ vekillerine qarşı siyasiy sebepli repressiyalarnı muntazam sürette qullana.
Halqara aq qoruyıcı teşkilâtlar halqara gumanitar uquqınıñ bozuluvı, şu cümleden qanunsız apis cezaları, uydurılğan davalar boyunca qabaatlav ükümleri, zorbalıqnen ğayıp etüv ve işkence aqqında defalarca bildirgen ediler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
