Rusiye ükümeti Qırımdaki yollarnıñ tamirine 8 mlrd ruble ayırdı. Böyle bir emir müessiseniñ resmiy saytında derc etildi.
«Mihail Mişustin Qırımdaki yollarnıñ tamirine 8 mlrd ruble ayırıluvı aqqında emirni imzaladı. Bu eñ az 254 km magistralni tamir etmege imkân berip, regionnıñ naqliyat infrastrukturasınıñ keyfiyetini arttırmağa yardım etecek, onı yatırımcı ve turistler içün daa çekici yapacaq», – dep bildire Rusiye ükümetiniñ matbuat hızmeti.
Hatırlatamız, mart ayında Mihail Mişustin yol ağınıñ inkişafına 10,5 mlrd ruble ayırıldı, dep bildirdi.
Rusiye baş nazir muavini Marat Husnullin, «Tavrida» yolunı qurıp bitirmek içün qoşma olaraq 3-4 milliard ruble ayırılacaq, dep bildirdi.
Rusiye naqliyat nazirliginiñ malümatına köre, «Telükesiz ve keyfiyetli maşina yolları» leyhası çerçivesinde Qırım 2021 senesine planlaştırılğan maliye miqdarından 82%-ından çoq masraf etti. Yılnıñ soñuna qadar qalğan vaqıtqa qadar 627 kilometr yolnı tamin etmege planlaştırıla, faqat olarnıñ tam cedvelini Rusiye akimiyeti aydınlatmay.
