Rusiye kontrolindeki Qırım yolbaşçısı Sergey Aksenov Yaltadaki yanğınğan "regional seviyede fevqulâde tabiat vaziyeti" statusını berüv emrini imzaladı.
"2026 senesi avgustnıñ 22-nde peyda olğan vaziyetni regional seviyede tedbir alınacaq fevqulâde tabiat vaziyeti olaraq saymaq", – dep aytıla Qırımnıñ Rusiye ükümeti saytında derc etilgen buyruqta.
Yaltanıñ Autka mikrorayonı civarındaki orman yanğın yedi künden berli söndürile. "Krımskiy veter" telegram kanalı abunecileriniñ malümatına esaslanıp yazğanına köre, eki vertolöt celp etildi.
Yanğın haberi avgustnıñ 19-na keçer gecesi keldi. Meydanı bir qaç gektar olaraq belgilendi, soñra 10 oldı, avgustnıñ 21-ne qadar ise 50 gektarğa qadar arttı. Yerli sakinler şeerde tumandan ve nefes zorluqlarından şikâyetçi.
Bazı menbalar yanğınnı avgustnıñ 19-na keçer gecesi uçucısız ücüminen bağlay, amma Rusiye akimiyeti sebepni resmiy şekilde aytmay. Yaqınlarda suv çoqraqları, küçlü yel ve tik caplar yanğınnıñ söndürilüvini zorlaştıra.