Keçken künü Qırımda altı koronavirus hastası vefat etti. İyünniñ 27-nde beş hasta vefat etti. Bu aqta Qırımnıñ Rusiye sağlıq nazirliginiñ matbuat hızmeti bildire.
«Qırım Cumhuritende yañı koronavirus yuqunçı vaziyetiniñ er künlik monitoring malümatına köre, 1227 insan (covid) ambulator tedaviylevde buluna, 2247 kişi (covid ve pnevmoniya) hastahanede yata», – dep bildirile haberde.
Qırımda iyünniñ 27-nde 276 koronavirus hastası qayd etildi
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
