Ukrayınada qırımtatar asıllı ukrayınalı yırcı Jamalanıñ teşebbüsi ile yapılğan Qırım ve qırımtatarlar aqqında yañı medeniyet leyhasınıñ başlatıluvı ilân etildi. Bu aqta Ukrayına medeniyet ve informatsion siyaset naziri Oleksandr Tkaçenko Telegram kanalında bildirdi.
«Qırım ve qırımtatarlar aqqında az bilemiz» – bu, Jamalanıñ büyük medeniyet leyhasına yıllar ayırmasına sebep oldı, onı dünya 2023 senesi bilecek. Tarihnı bilmek – kelecegimizni qurmaqtır», – dep bildirdi Tkaçenko.
Bu leyha tafsilâtları şimdilik aydınlatılmay.
Ukraїner, Qırım videoları toplanğan bir leyha başlatqan edi. Bu leyha çerçivesinde Lilu45 tahallüsinen meşur ukrayınalı yırcı Lüdmila Belousova Ukrayınanıñ Aqmesciti aqqında yır klipini çıqardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
