Keriç boğazında 715 kâre kilometrden ziyade suv meydanlığı teşkerilgeni, anda 25 tonna cermay-suv qarışığı toplanğanı aqqında haber etile.
Qırımda 15 kilometr yalı boyu temizlene, şu cümleden mazut tökülgen eki belli olğan yer – Qız-Aul farosı yanındaki Yakovenkovo köyünde uzunlığı 2 kilometrden ziyade ve «Opukskiy» tabiat qoruğı yanında uzunlığı 4 kilometrden ziyade.
Qırımnıñ Rusiye yolbaşçısı Sergey Aksenov Qırımda mazut çıqaruvları ile bağlı vaziyet, tahminlerge köre, daa beterleşe bilecegini, buzlav ölçüsiniñ Rusiyeniñ Krasnodar ülkesiniñ yalı boyunda qayd etilgen seviyege çıquv telükesi yüksek olğanını bildirdi.
Qırım.Aqiqat bildirgenine köre, mazut taşığan eki «Volgoneft» tankeri bazar künü, dekabrniñ 15-nde, resmiy malümatqa köre, furtuna sebebinedn Keriç boğazında battı.
Tankerler batqanı içün cermay töküldi. Rusiye kütleviy haber vastalarınıñ malümatına köre, «Volgoneft-212» 4300 tonna mazut taşıdı. Shot ve Baza «Volgoneft-239» tankerinde de aman-aman aynı kölemde mazut bar edi.
Rusiye Deñiz qurtaruv hızmeti Keriç boğazında dekabrniñ 15-nde tankerlerniñ batması neticesinde Qara deñizge 2,4 biñ tonna cermay aqıp ketti, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
