Soñki künde Qırım ve Aqyarda 29 COVID-19 hastası vefat etti, dep haber ete yarımadanıñ Rusiye akimiyeti.
Qırımdaki Rospotrebnadzor idaresiniñ malümatına köre, 111 yañı koronavirus hastası qayd etildi, umumen 126 660 COVID-19 hastası qayd etildi. Bir künde 109 insan yahşı oldı, bütün müddet devamında 117 784 kişi tüzeldi. Qırımda daa 24 insan vefat etti, umumen pandemiya vaqtında 4301 kişi vefat etti.
Aqyarnıñ Rusiye ükümeti, 51 yañı COVID-19 hastası qayd etildi, dep haber ete. Tüzelgen 87 insan hastahaneden çıqarıldı. 53 yaşından 94 yaşına qadar 5 insan vefat etti. Rospotrebnadzor malümatına köre, umumen Aqyarda 52 602 kişi yañı koronavirus yuqunçına oğradı. 49 764 insan tüzeldi, 1 835 kişi vefat etti.
Dekabrniñ 27-nde Qırım ve Aqyarda 29 insan koronavirustan vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
