Keçken künü Qırımda 23 insan COVID-19-dan vefat etti, Aqyarda eki kişi öldi. Bu aqta Rusiye kontrolindeki Qırım Sağlıq nazirligi ve Aqyarnıñ Rusiye ükümetiniñ matbuat hızmeti bildire.
Umumen dekabrniñ 27-nde saba Qırımda 115 yañı koronavirus hastası qayd etildi, Aqyarda ise 59 COVID-19 hastası qayd etildi.
Hatırlatamız, Rusiye akimiyeti Qırımda bir kün evelsi vefat etken 24 insan ve 117 yañı koronavirus hastası, Aqyarda ise 61 hasta ve COVID-19-dan vefat etken eki kişi aqqında bildirgen edi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
