Link açıqlığı

Saatnıñ esas haberi

«Qırım» Ukrayına bölüginiñ erkânı arta – Ukrayına istihbaratı


Ukrayına Mudafaa nazirliginiñ Baş istihbarat idaresi erkânında «Qırım» Ukrayına mahsus bölüginiñ askeri

«Qırım» Ukrayına mahsus bölüginiñ sayısı artmağa devam ete, Rusiye işğal etken Qırım sakinleri bölükke qoşula. Bu aqta Ukrayına Mudafaa nazirliginiñ Baş istihbarat idaresi haber ete.

«Bugün qırımtatarları tarihiy duşmanları olğan Rusiye Federatsiyasına qarşı cenkte faal iştirak etip, memleketini cebeniñ eñ sıcaq noqtalarında qorçalay. Ukrayına Mudafaa nazirliginiñ Baş istihbarat idaresi erkânında qırımtatarlardan «Qırım» mahsus bölügi şekillendirildi, şimdi Bahmutta Ukrayına toprağını qorçalay, memleketniñ cenübinde ve diger sıcaq noqtalarında muvafaqiyetli mahsus operatsiyalarda iştirak etken edi. Bölük askerleri diger bölüklerden ukrayın qardaşlarınen beraber duşmannı yoq etüv muvafaqiyetli operatsiyaları içün devlet mukâfatlarını aldı», – dep aytıla haberde.

Ukrayına istihbaratı «tuvğan topraqları – Ukrayına Qırımını Rusiye işğalci ordusından azat etecekler arasında qırımtatarlar ilk sıralarda olacağından şübhe yoq», dep bildirdi.

«Qırımtatarlar Qırımda Ukrayına devletiniñ işançlı tayançı edi, ola ve bar olacaq. Kelecek ğalebemiz bugün ukrayın, qırımtatarlar ve Ukrayınanı imaye etken diger milletlerniñ ğayretlerinen qazanıla», – dep aytıla haberde.

Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov Ukrayına Rusiye işğal etken Qırımnı «em küç, em diplomatiyanen» qaytaracaq, dep bildirdi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG