Avgustnıñ 31-i aqşamından ve sentâbrniñ 1-i gecesine qadar işğal etilgen Qırımda patlavlar, Rusiye ava mudafaasınıñ işi ve dronlarnıñ uçqanı eşitildi, dep bildirdi yerli haber saifeleri.
"Krımskiy veter" Telegram kanalı haber etkenine köre, patlavlar Saq rayonında (21:30), Mamaşay (Orlovka) (22:00) ve Aqmescit civarında (yarı geceden soñ) eşitildi.
Dron uçuşları ve Rusiye mobil ateş gruppalarınıñ atışları Qoran Eli (Beregovoye), Alma Tamaq (Pesçanoye), Bürlük (Vilino), Ulu Çoqraq (Kurgannoye), Aqleyiz (Andreyevka), Acı Bolat (Uglovoye), Saq rayonı ve "Gvardeyskoye" uçaq alanı yaqınlarında qayd etildi.
Ukrayina ve Rusiye arbiyleri Qırımdaki gece adiselerini şimdilik izaatlamadılar.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.