Ukrayina Silâlı quvetleri iyünniñ 26-na keçer gecesi Qırımdaki üç elektrik aststantsiyasına darbeler endirdi. Bu aqta quvetlerniñ komandanı Robert Brovdi bildirdi.
Onıñ aytqanına köre, aşağıdakilerge ücüm etildi:
- "NS-2" 220 kV elektrik aststantsiyası, Nikolayevka
- "Tasunovo" elektrik aststantsiyası, Yedi Quyu rayonı Qoş Quyu (Tasunovo k.)
- "Ğarbiy-Qırım" 330 kV elektrik aststantsiyası, Saq rayonı Yañı Qotur (Karyernoye)
O, Canköyde ST-68U Rusiye arbiy radiolokatsion stantsiyasına ücüm etildi, dep bildirdi. Bundan ğayrı, Brovdi Ermeni Bazarda ve Qırımnıñ diger rayonlarında Rusiye ordusınıñ logistik naqliyatına ücüm levhalarını derc etti.
Qayd etmek kerek ki, Rusiye Federatsiyasınıñ Silâlı quvetleri arbiy tehnikanı vatandaş naqliyatı olaraq gizley.
Rusiye Mudafaa nazirligi vaziyetni izaatlamadı. Qırım.Aqiqat muarririyeti cenk vaziyetinde malümatnı mustaqil şekilde teşkerip olamay.