Rusiye müessisesi Qırımda beş dron urıp tüşürilgenini bildire. Rusiye akimiyetiniñ beyanatları mustaqil şekilde tasdıqlanmalı.
Aynı vaqıtta Qırım saifeleri bir de bir patlav ya da küçlü sesler aqqında haber etmedi.
Rusiye Federatsiyasınıñ Mudafaa nazirligi Ukrayina arbiyleri martnıñ 23-nde aqşam işğal etilgen Qırımdaki Tarhankut burnunda Glebov gaz kondensat kenine ücüm etmege tırıştı, dep bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
