«Qırımnıñ şimalinde ava mudafaası çalıştı. Duşmannıñ uçucısızı urıp tüşürildi», – dep bildire o, Telegram kanalında. Muarririyetniñ bu malümatnı tasdıqlaycaq mustaqil menbaları yoq.
«Krımskiy veter» Telegram kanalı bildirgenine köre, «Ermeni Bazarda demiryol stantsiyasında Rusiye ava mudafaa sistemasınıñ işinden soñ urulğannıñ parçaları tüşip, mesken evge zarar ketirdi».
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
