«Umumen Saq ve Aqmeçit rayonında tahminen 800 topraq damartısı ayırıldı. Bundan ğayrı, soñki etapta Yedi-Quyu rayonında massiv azırlana», – dep qayd etti temsilcilik.
Oktâbr ayında Qırımtatar Milliy Meclisiniñ reisi Refat Çubarov bildirgenine köre, Qırımda Rusiye akimiyeti Ukrayınağa qarşı cenkte iştirak etken Rusiye arbiylerine topraq berilüvinen bağlı 600 buyruqnı azırladı.
2022 senesi dekabr ayında Qırımnıñ Rusiye parlamenti Ukrayınağa qarşı cenkte iştirak etken qırımlılarğa bedava topraq damartılarını bermege izin berdi. Aprelniñ 7-nde belli olğanına köre, Rusiye kontrolindeki Qırım akimiyeti Ukrayınağa qarşı cenk iştirakçilerine topraq damartılarını berüv fermanlarını berip başladı. TASS Rusiye agentliginiñ malümatına köre, başta umumen 56 gektarlıq 511 damartı azırlandı. Episi Saq rayonında yerleşe.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
