Ukrayina prezidentiniñ Qırım Muhtar Cumhuriyetindeki temsilciligi 2025 senesi fevralniñ 5-nde işğal etilgen Qırımnıñ Canköy ve İslâm Terek rayonlarında qırımtatarlarnıñ tintüvlerine ve tutuvlarına cevap berdi.
«Bugün (fevralniñ 5-nde – QA) tutulğanlarnıñ bazılarınıñ siyasiy mabüs qorantalarınıñ azaları olğanı müimdir, bu ise Rusiye işğalci memuriyeti ailelerni nasıl repressiyalarğa oğratqanını köstere», – dep qayd etile haberde.
Temsilcilik tek yarımadanıñ işğalden azat etilüv sakinlerini siyasiy, diniy ya da etnik sebeplerden repressiyalardan qorçalavını kefil ete bile, dep qayd etti.
«Bütün halqara toplulıqqa muracaat etip, vaqtınca işğal etilgen Qırımda insan aqlarınıñ bu şekilde bozulmasına cevap bermege ve Rusiye tarafından siyasiy sebeplerden Ukrayina vatandaşlarınıñ taqip etilüvini tez toqtatmaq içün ğayretlerimizni birleştirmege çağıramız», – dep qayd etti Temsilcilik.
Fevralniñ 5-nde saba işğal etilgen Qırımnıñ Canköy ve İslâm Terek rayonlarında tintüvler keçirildi, beş qırımtatarınıñ tutulğanı belli oldı. Apiske alınğanlar arasında – imam Remzi Kurtnezirovnıñ oğlu Emir, çağına yetmegen dört balanıñ babası Abibulla Smetlâyev, santehnik Rustem Mustafayev, Mırzaali Tacıbayev ve Bahtiyar Ablayev.
FSB hadimleri episini Aqmescitke tahqiqat tedbirleri içün alıp ketti. Rusiye qurğan Aqmescitniñ Kiyev rayon mahkemesi tutulğanlardan üçüni 2025 senesi aprelniñ 4-ne qadar nezaret altına aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
