Qırımda 160-tan çoq insan suv basuvından zarar körgenler içün vaqtınca qaluv noqtalarında yaşay, dep bildire TASS Rusiye haber agentligi Rusiye Fevqulâde vaziyetler nazirliginiñ matbuat hızmeti bergen malümatqa esaslanıp.
«Qırımda zararğa qıymet kesken 35 komissiya çalışa. Vaqtınca qaluv noqtalarında 160-tan çoq insan buluna. O yerde vaziyetniñ monitoringi içün uçucısız aviatsiya qullanıla», – dep aytıla haberde.
Qırımnıñ Rusiye akimiyeti daa evel bildirgenine köre, Qırımda fevqulâde vaziyet neticesinde ketirilgen zarar yağanaqlar yağğanı ve suv basqanı içün 12 mlrd rublege yaqın oldı.
Aksenov Qırımda sel neticesinde zarar körgenlerniñ arizaları iyülniñ 1-ne qadar qabul etile, dep bildirdi.
Akimiyet Qırımnıñ yedek fondundan 161 mln 160 biñ ruble yarımadadaki fevqulâde vaziyet aqibetlerini yoq etmek içün sarf etmege qarar berdi.
