Qırımda Rusiye akimiyeti sentâbr ayına qadar sport tedbirleri ve talim tedbirleriniñ keçirilüvini lâğu etti. Bu buyruq Rusiye kontrolindeki Qırımnıñ sport naziri Olga Torubarova tarafından imzalandı.
Fermanğa köre, sentâbrniñ 1-ne qadar aşağıdaki tedbirlerniñ keçirilüvi toqtatıla:
- sport müessiselerinde 18 yaşına qadar oquv-talim esnasları;
- oquv-talim tedbirleri;
- sport-kütleviy ve beden tedbirleri;
- birincilik, çempionat, kubok ve diger sport tedbirleri.
Bundan ğayrı, buyruqqa köre, sport müessiseleri ve teşkilâtlarınıñ sportçılarına Qırım tışında ve Qırımda keçirilgen yarış ve diger sport merasimlerine barması toqtatıla.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.