Rusiye insayderleriñ esaplarına köre, regionlarnıñ yarısından ziyadesi belgilengen raqamlarğa irişemey. Ukrayina istihbaratı Rusiye bu yıl daa 300 biñ insannı ve 2027 senesi 300 biñ insannı seferber etmege planlaştıra, dep bildire. Qırımda Rusiye arbiy komissarlıqları aliy oquv yurtlarından Rusiye ordusı ile añlaşma tizmege teşviq etmek içün studentlerniñ cedvellerini talap ete. Rusiye akimiyeti Rusiye ordusına daa çoq qırımlını çağırmaq içün nasıl usullar qullana? Rusiye prezidenti Putin yañı seferberlik dalğasını ilân etecekmi? Ve o nege kerek – cebeni Ukrayinada tutmaq içünmi yoqsa NATO memleketlerine ücüm etmek içünmi? Bu aqta Qırım.Aqiqat Radiosınıñ yayınında alıp barıcı Alena Badük "Almenda" Vatandaş maarifi merkeziniñ eksperti ve talilcisi Öleğ Öhredko ve Talil ve strategiya merkeziniñ yolbaşçısı İğor Çalenko ile muzakere etti.