Qırımda AB ve Ukrayina tanımağan ve işğal etilgen topraqlarda keçirilgen Rusiye Federatsiyası Devlet dumasınıñ saylavları vaqtında saylav bölüklerinde foto ve video çıqarmaq yasaqlandı. Bu aqta Qırımlı bir faal adı gizli qalacaq şartınen Qırım.Aqiqatqa bildirdi.
Böyle bir tenbini oña Rusiye kontrolindeki Qırımnıñ Saylav komissiyası yolladı.
Böyle bir yasaq aqqında Qırımnıñ Saylav komissiyasınıñ redis muavini İnna Güzeyeva da ayttı, dep bildire Rusiye kütleviy haber vastaları.
Yasaq saylav bölükleri, bina ögü ve evde rey berüvni çıqarmağa yasaqlay. Rusiye akimiyeti akkreditatsiyasını yapqan kütleviy haber vastalarınıñ vekilleri içün istisna yapıldı.
Rusiye akimiyetiniñ aytqanına köre, bu qarar "komissiya azaları ve rey bergenlerniñ telükesizligini temin etmek içün" ayında.
Rusiye Devlet duması saylavlarınıñ esas rey berilüvi sentâbrniñ 18-20-nde keçirile. 2022 senesi fevral ayında başlağan Rusiyeniñ Ukrayinağa qarşı büyük istilâsından soñ Rusiyede bu ilk parlament saylavları oldı. Cenkke qarşı çıqqan namzetlerniñ çoqusı saylavlarda iştirak etmekten uzaqlaştırıldı, "Yabloko" firqasından namzetlerniñ ekseriyeti.
Rusiye zapt etken Ukrayina topraqlarında da rey berüv keçire. Ukrayina Tış işler nazirligi ve Avropa Birligi bu saylavlarnıñ neticelerini tanımaycaqlar, dep bildirdiler.