«Vinogradnoye köyüniñ 30 yaşında sakini ana-babalar çatına Ukrayına bayrağını yolladı ve Rusiye devletine qarşı küfür sözler yazdı. Bunı çatnıñ 19 iştirakçisi kördi», – dep aytıla haberde.
Mahkemede qadın qabaatını tanığan eken. Mahkeme oña 50 biñ ruble para cezasını berdi.
«Rusiye ordusını itibardan tüşürüv» maddesi Rusiye qanunlarında 2022 senesi martnıñ 4-nde peyda oldı, Rusiyeniñ Ukrayınağa qarşı büyük istilâsını başlatqan ilk künleri edi. Qırımda Rusiye ordusını itibardan tüşürüv sebebinden taqipler bitmey. Qırımdaki Rusiye akimiyeti insanlar bir-birini çaqsın dep areket ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
