Rusiyeniñ Rostov-na-Donu şeerindeki Cenübiy okrugınıñ arbiy mahkemesi Rusiye uquq qoruyıcıları Qırımnıñ Aqmescit rayonı Badana (Perovo) köyündeki demiryollarında patlav kerçekleştirmege azırlağanında qabaatlağan er adamnı 20 yılğa azatlıqtan marum etti.
Bu aqta "RİA Novosti Krım" Rusiye devlet agentligi mahkemeniñ matbuat hızmetiniñ malümatına esaslanıp haber ete.
Rusiye qabaatlavınıñ malümatına köre, er adam Ukrayina Mudafaa nazirligi Baş istihbarat idaresiniñ hadiminden vazife alıp areket etken. Berilgen malümatqa köre, 2024 senesi noyabrniñ 30-nda o, patlav kerçekleştirecek edi, amma tutulğan eken. Cenk vaziyetinde Rusiye uquq qoruyıcılarınıñ malümat doğrulığını teşkermek zor.
Er adamnıñ adı ve soyadı aytılmay, onıñ açıq izaatları yoq. Ukrayina Mudafaa nazirligi Baş istihbarat idaresi bu haberlerni izaatlamadı. Apis cezasından ğayrı, er adamğa 450 biñ ruble para cezası berildi.siniñ başından işğal etilgen Qırımda "devletke qarşılıq", "terrorizm" ve patlayıcı maddelernen qullanuv davaları boyunca eñ azdan 28 üküm qayd etildi, dep bildirgen edi.
Rusiyede ve onıñ tarafından işğal etilgen topraqlarda quvetçiler Ukrayina tarafını tutqan sakinlerni taqip eteler. Rusiye tarafdarı Qırımlı bloger Aleksandr Talipov öz telegram kanalında Ukrayinağa qoltutqan Qırımlılarnıñ şahsiy malümatlarını derc ete. Böyle şikâyetlerniñ neticesinde Qırımlılar tutula ve Rusiye ordusını itibardan tüşürgenleri içün memuriy ve cinaiy mesüliyetke çekile.
Aq qorçalayıcılar, Qırımda Rusiye quvetçileri tarafından açılğan devlet hainligi, Ukrayina ile işbirlik, casuslıq ve diversiya maddeleri boyunca davalarnıñ sayısı artacağını tahmin eteler. Şimdi FSB aman-aman er kün böyle davalar aça, 2014 senesinden evel böyle davalarnıñ sayısı yılda 10-dan çoq olmay edi.