2015 senesinden başlap Qırımda 13 kere askerlikke çağıruv kampaniyasını keçirip, 34 biñden çoq qırımlını Rusiye Silâlı quvetlerine hızmetke yolladı, dep bildirdi Qırım Muhtar Cumhuriyeti ve Aqyar prokurorı İgor Ponoçovnıy.
«Aralarında Qırım Cumhuriyetiniñ sahte arbiy komissarı da olğan işğal etilgen Qırımnıñ çeşit rayonlarınıñ 10 arbiy komissarına arbiy cinayetten şübheli olğanını qayd etip bildirdik. Mahkemede mahsus mahkemeden evelki tahqiqat terkibinde yollanılğan «Qırım Cumhuriyetiniñ Kefe şeeri ve İslâm Terek rayonınıñ arbiy komissarına» qarşı qabaatlav aktı da bar», – dep bildire Ponovoçnıynıñ bildirgenlerini müessiseniñ matbuat hızmeti.
Qırım aq qorçalayıcı gruppasınıñ malümatına köre, 2021 senesi avgust ayında Rusiye kontrolindeki Qırım mahkemeleri Rusiye silâlı quvetlerinde «hızmetten vazgeçken» 10 qırımlığa qarşı 10 üküm çıqardı, bir ay içinde 14 yañı cinaiy dava açıldı.
Ukraina akimiyeti ve halqara teşkilâtlar işğal altındaki Qırımda askerlikke çağıruv qanunsız ola, dep bildire.
