Munaqaşada Ukrayina Arbiy-deñiz Quvetleriniñ arbiyi, 2014 senesiniñ adise-vaqialarınıñ şaatı Artem Kiselev, Yaltadaki Lesâ Ukrayinka müzeyiniñ müdiri, medeniyet siyaseti ve işğalniñ Qırımnıñ medeniy mirasına tesir meseleleri eksperti Öleksandra Visiç, Qırımtatar Milliy Meclisiniñ reisi Refat Çubarov, uquqçı, insan aqları meseleleri eksperti, «AZONES» Advokat birleşmesiniñ ortağı Darya Sviridova iştirak etecekler.
Munaqaşa vaqtında Qırım yarımadasınıñ işğali nasıl azırlandı, 2014 senesiniñ adise-vaqiaları, Qırım işğaliniñ aqibetleri ve Rusiyeniñ 2022 senesi Ukrayinağa qarşı büyük istilâsı azırlığında rol meseleleri köterilecek.
Tedbirni Ukrayina prezidentiniñ Qırım Muhtar Cumhuriyetindeki Temsilciligi, Qırım platformasınıñ Ofisi, Cenk müzeyi, Crimea Daily media teşebbüsçisi teşkil etecekler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
